Guovddážis sámepedagogihkka

Pedagogalaš dieđagottis sámedutkamuša fáttát čatnasit pedagogihkkii ja oahppoplánii, kultursensitiivvalaš oahpahussii, sámegillii, kultuvrii, iešdovdui ja arktalaš álgoálbmogiid politihkalaš doibmii sohkabeali oaidninčuoggás. Dieđagotti sohkabealledutkanossodat fállá davvivuhtii ja álgoálbmogiidda laktáseaddjii oahpahusa eŋgalsgillii ja bargá ovttas Lappi allaoahpahaga arktalaš oahppoollislašvuođain (Arctic Studies Program).

Dutkanbohtosat leat prentejuvvon suoma- ja sámegillii sihke riikkasis ja riikkaidgaskasaš dieđalaš láđiin. Dieđagottis leat dahkkojuvvon moanat sápmelašvuhtii gullevaš nákkosgirjjit ja pro gradu –guorahallamat, váldobarggut.
Dieđagoddi ovddida árjjalaččat sámeoahpaheddjiid vuođđo-, dievasmahttin- ja joatkkaskuvlema ovttasbarggus Sámi oahpahusguovddážiin, Giellagas-instituhtain ja Lappi guovlohálddahuseiseválddiiguin. Ovddidanbarggu ulbmil lea ráhkadit iešguđetlágan pedagogalaš málliid, mat bohciidit álgoálbmogiid sierrasárgosiin ja doarjut sámeoahpaheddjiid pedagogalaš ovddidanbarggu.

Dieđagottis lea dihtomearri sámegielat ohppiide. Dasa lassin luohkkáoahpaheaioahpus ja eará pedagogalaš skuvlejumis leat sámegielat stuđeanttat. Dieđagottis bargá sámegiela ja kultuvrra universiteahttaoahpaheaddji, geasa gullá erenomážit sámegiela vuođđooahppu.