Sámerievtti dutkan ja oahpahus

Lappi allaoahpahagas lea min riikkas ovddasvástádus allaoahpahagaid dásis sámiid juridihkalaš dutkamušas. Juridihkalaš dieđagoddi leage maŋemuš jagiin bidjan návccaid sámerievtti vuođđodutkamii ja oahpahussii.

Dieđagotti sámerievtti vuođđodutkama váldodeaddun leatge leamaš dát gažaldagat: sámiid historjá, vuoigatvuođalaš sadji, iešmearrideapmi, iešstivren, vealaheapmi, giella, sosiála- ja dearvvasvuođafuolahus, árbediehtu, álbmotárbevierru ja dasa lassin gažaldagat mat gullet ealáhusaide ja eanangeavaheapmái.

Dieđagoddi lea ovddidan sámerievtti oahpahusa vuođđudemiin álgoálbmogiid vuoigatvuođaid lektoravirggi ja rievdademiin almmusvuoigatvuođa assisteantta doaimma almmusvuoigatvuođa, erenoamážit sámerievtti dutki doaibman. Áigumuššan lea dasa lassin vuođđudit guosseprofessora saji. Jagis 2011 dieđagotti oahppofálaldahkii lasihuvvojedje válljenkursan sámerievtti vuođđoáššit.

Dasa lassin doaibmá rabas sámerievtti dutkanjoavku.