Ovttasbargu rájiid rastá

Suoma universiteahtaid gaskkas Lappi allaoahpahagas lea riikkaviidosaš ovddasvástádus arktalaš máhtu ovddas, mii guoská sámiid rivttiiide ja sápmelašvuhtii servodatdieđalaš dutkamuša suorggis. Álgoálbmogiid dutkamuš dahkkojuvvo allaoahpahaga buot dieđagottiin ja dutkaninstituhtain.

Allaoahpahaga sápmelašvuođa dutkanfáttát leat ee. álgoálbmogiid historjá, árbevierut, vuoigatvuođat, politihkka, pedagogihkka ja osku ja arktalaš birrasa rievdan ja luonddu eatnatvuohta. Dasa lassin universiteahtas dutkojuvvojit sápmelašvuođa ja turismma gaskavuohta, buresbirgejumi bálvalusaid dárbu ja ollašuhttin sámeguovllus, sápmelašvuođa gieđahallan joavkodieđihangaskaomiin ja sámeduoji ja hábmema oktasaš sárgosat.

Allaoahpahat dahká sápmelašvuođa dutkanbarggu ovttas ee. Tromssa universitehtain. Sámi allaskuvllain min allaoahpahat dahká ovttasbarggu dutkamuša ja dáidaga surggiin ja lea ohppiid lonohallan. Norgga lassin dáiddalaš ovttasbargu olle maid Ruoŧa ja Ruošša sámeguovlluide.

Sámegiela ja –kultuvrra, buresbirgen- ja dearvvasvuođadiehtagiid ja sámeguovlluid globálanuppástusa dutkamis Oulu universiteahtta ja Sámi oahpahusguovddáš leat dehalaš ovttasbargoguoimmit. Dutkamuša ja skuvlema koordinere universiteahtaid oktasaš stivrenjoavku. Dasa lassin Lappi ja Oulu universiteahtat leat ceggen oktasaš sámedutkamuša bargojoavkku.