Sápmelašvuođa politihkalaš ja administratiivvalaš olit (dimenšuvnnat)

Servodatdiehtagiid dieđagotti oktan dehálaš bargun lea ovddidit iežas máhtu arktalaš ja davviguovlluid birra. Dieđagottis lea Suoma universiteahtaid gaskkas riikkasis ovddasvástádus ovddidit sápmelašvuođa servodatlaš dutkamuša.

Dieđagottis dahkko sápmelašvuođa dutkamuš measta buot oahppoávdnasiin. Dieđagotti dutkamuš lea vuolgán sápmelašvuođa politihkalaš ja administratiivvalaš oliide dego omd. sámepolitihkkii, álgoálbmogiidda, boazodollui, birasgažaldagaide, eananhálddašeapmái, buresbirgemii ja turismii. Sápmelašvuohta guorahallo maiddái maŋŋekoloniálalaš kritihka ja sohkabeale oaidninčuoggás.

Dieđagottis leat gárvánan máŋga sápmelašvuođa nákkosgirjji ja oahppodutkosa ee. sosiologiijas, politihkkadiehtagiin, sosiálabarggus ja turismadutkamis.

Sápmelašvuohta lea bures mielde sierra oahppoávdnasiid oahpahusas, eandalii dakkár oahpuin, mat gusket davviguovlluid spesiálgažaldagaide. Sosiologiija oahppoávnnas fállá máŋggadieđalaš DAVVI skuvlenprošektii sámebáidnašuvvi máŋggadieđalaš vuođđo- ja ávnnasoahpuid. Dieđagotti sámedutkit oassálastet viššalit Lappi allaoahpahaga sámedutkamuša joavkku ja riikkadási sámedutkamuša fierpmádaga doibmii. Dasa lassin dieđagottis lea ovttasbargu Giellagas-instituhtain.