Váldodeaddun globálanuppástus, suvdilis ovdáneapmi ja álgoálbmogiid vuoigatvuođat

Arktalaš guovddáža máŋggadieđalaš dutkanjoavkkuin dahkkojuvvo maiddái sápmelašvuođa dutkamuš. Dutkanjoavkkuid váldodeaddun leat globálanuppástus, suvdilis ovdáneapmi ja biras- ja unnitlohkovuoigatvuohta.

Globálanuppástusa dutkanjoavku guorahallá ee. sápmelaš boazodoalu heiveheami dálkkádatrievdamii, bohcco biepmu ja guohtuneatnamiid ja boazodoalu ealáhussan servodaga oaidninčuoggás.

Suvdilis ovdáneami dutkanjoavku dutká álgoálbmogiid kultuvrra, iešdovddu ja politihka. Dutkamuša fáttát leat ee. sámit ja luonddu eatnatvuohta, njálmmálaš árbevierru, dáhpevuoigatvuohta ja sápmelašvuođa ja turismma gaskavuohta. Dutkamuša oktavuođas gávdnojit maiddái álgoálbmogiid ja sámedutkamuša doaimmahat ja antropologalaš dutkanjoavku.

Álgo- dahje eamiálbmogiid vuoigatvuođat

Davviguovlluid biras- ja vehádatvuoigatvuođaid instituhtas (PYVI) dahkkojuvvo máŋggabealat álgoálbmogiid ja sámiid vuoigatvuođaid dutkamuš. PYVI:s dutkojuvvojit ee. Lappi eananvuoigatvuođat, álgoálbmoga luondduvárresuvereniteahtta ja Davviriikkalaš sámesoahpamuša ja lágaid gaskavuohta.

Oahpahusa bealde PYVI vástida juridihkalaš dieđagotti International and Comparative Law –magisttarprográmma Arctic Law and Governance –oahpporáiddu čađaheamis. Dasa gullá oahpahus álgoálbmogiid ja sámiid vuoigatvuođaid birra. Dasa lassin PYVI dutkit oahpahit álgoálbmogiid ja sámiid vuoigatvuođaid birra miehtá máilmmi ja Arktalaš universiteahta miellahttoallaoahpahagain.