Máŋggaeallevaš vuoiggalašvuohta eamiálbmogiid servodagain (MultiBEING) -njunušovttadaga rahpandoalut lágiduvvojit Sámekulturguovddáš Sajosis, Anáris vuossárgga 30.3. dii 17.00–19.00. Dilálašvuođas MultiBEING-ovttadaga dutkit muitalit ja ságastallet sin dutkamušas.

Eamiálbmogiid jurddašeamis sihke sin politihkkalaš ja vuoigatvuođalaš orgánain olmmoš ja biras ellet gaskavuođas: olbmot hápmejit oktasaš servodagaid ovttas eará eallevaš áššiiguin. Njunušovttadagas dutket dan, makkár lea olbmo ovttasvástadus fuolahit eará eallevaš áššiid buorre ja vuoggalaš eallimis. Fidnus ovddidit máŋggaeallevaš vuoiggalašvuođa (multibeing justice) doahpaga.

Njunušovttadat lea Suoma Akademiija ruhtadan fidnu jagiid 2026–2033 prográmmabadjái. Dan jođihit sámedutkamuša professor Sanna Valkonen (Lappi universitehta) sihke eamiálbmotdutkamuša professor Pirjo Kristiina Virtanen (Helssega universitehta) ja riikkaidgaskasaš rievtti professor Lotta Viikari (Lappi universitehta).

Dáiddár Áilu Valle rahpá dilálašvuođa ja emeritusprofessor Veli-Pekka Lehtola ovdanbuktá kommeantasáhkavuoru. Dilálašvuohta lea suoma- ja davvisámegielat. Rahpandoaluid sáhkavuorut streamejuvvojit ja dilálašvuođas lea dulkon suomagillii ja davvisámegillii.

Sáhkavuoruid maŋŋil guossohit gáfe ja olbmot sáhttet sagastallat dutkiiguin. Buresboahtin gullat ja ságastit!

Rahpandoaluid sáhkavuoruid sáhttá čuovvut streama bokte dáppe.

Lassedieđut:

Martta Alajärvi
Gulahallanolmmoš MultiBEING
+358 40 528 2599
martta.alajarvi (at) ulapland.fi