Rievdan
Rievdan – Muutos lea dáiddavuđot doaibmadutkamuš, mas heivehuvvojit searvvušlaš dáiddabajásgeassima metodat, ja man ulbmilin lea nannet ja doarjut sápmelaččaid ja máŋggakultuvrrat servošiid Davvin jođánis biraslaš ja servodatlaš rievdadusaid áigodagas. Prošeakta laktása Lappi universitehta dáidagiid dieđagotti ođasmahtti árktalaš dáiddabajásgeassima ovddidanbargui.
Ollisvuođas ordnejuvvojit dáiddavuđot bargobájit ja dáhpáhusat, mat buktet oktii bearrašiid, ahkeolbmuid, nuoraid ja skuvlaahkásaš mánáid rievdama temáid ollái. Mii plánet ja ordnet dáhpáhusaid ja dáiddabargobájiid Suomas Vuohčus ja Norggas Kárášjogas.
Ovttasbarggu ja guovlluid gaskasaš vuorrováikkuhusa ulbmilin lea nannet ja doarjut máŋggakultuvrrat servošiid vásihit sosio- ja ekokultuvrralaš nuppástusaid. Nuppástusat váikkuhit eandalii eamiálbmotkultuvrraide, earet eará árbevirolaš ealáhusaide ja jurdagiidda boahtteáiggi birra. Dáiddavuđot metodaid bokte oassálastit sáhttet gieđahallat nuppástusaid, buktit jurdagiiddiset ovdan dan mearkkašumiin ja váikkuhusain ja suokkardallat iežaset vejolašvuođaid váikkuhit dasa, mii dáhpáhuvvá.
Bargobájiid bohtosiin ráhkaduvvo oktasaš dáiddačájáhus Kárášjohkii Sámi Dáiddaguovddážii ja Anárii Sámekulturguovddáš Sajosii.
Prošeavtta bohtosiid buktit ovdan maiddái virtuála publikašuvnna ja dutkanartihkkaliid hámis sihke dieđalaš konfereanssain.
Govvagat
Mirja Hiltunen
