Máŋggaeallevaš vuoiggalašvuohta eamiálbmogiid servodagain -njunušovttadat
Min ovttadaga ulbmilin lea dutkat, maid olmmošvuohta ja olbmo ovddasvástádus dárkkuhit eamiálbmogiid servodagain.
Dutkan
Eamiálbmogiid jurddašeamis sihke sin politihkkalaš ja vuoigatvuođalaš orgánain olmmoš ja biras ellet gaskavuođas: olbmot hápmejit oktasaš servodagaid ovttas eará eallevaš áššiiguin.
Máŋggaeallevaš vuoiggalašvuohta eamiálbmogiid servodagain (MultiBEING) -njunušovttadaga dutkamuša vuolggasadjin lea eamiálbmogiid jurddašeapmi ja vuohki ipmirdit áššiid. Min dutkamušas eamiálbmogiid ipmárdusa olmmošvuođas ja olbmo ovddasvástádusas buktet ságastallamii humanisttalaš, servodatdieđalaš, juridihkka ja luondduđieđalaš dutkamušain.
Min ulbmilin lea dutkat, mo ovddasvástádusa ja vuoiggalašvuođa prinsihpat sáhttet ovddidit máŋggaeallevaš vuoiggalašvuođa máilmmis. Seammás mii ovddidit máŋggaeallevaš vuoiggalašvuođa (multibeing justice) doahpaga.
Min njunušovttadat buktá oktii áššedovdiid sáme- ja eamiálbmotdutkamuša sihke riikkaidgaskasaš rievtti surggiin. Min dutkanjoavkkuid dutkit barget Lappi universitehtas ja Helssega universitehtas. Riikkaidgaskasaš ovttasbargofierpmádat čohkke árktalaš guovllu sihke Gaska-Ásia ja Amazonia guovlluid eamiálbmotdutkiid ja -dutkamuša.
Máŋggaeallevaš vuoiggalašvuohta eamiálbmogiid servodagain lea Suoma Akademiija ruhtadan ovttadat prográmmabadjái 2026–2033. Gažaldagas lea vuosttamuš Lappi universitehta jođihan njunušovttadat.
