Prosjækta jådeduvvá professåvrås Pigga Keskitalo, ahkep guoradalles Erika Sarivaara ja prosjevta PhD Inker-Anni Linkola-Aikio, PhD Berit-Ellen Juuso ja universitiehttaåhpadiddje Marianne Silén.

Prosjækta galggá nuorttarijkaj sámegielåhpadusáv guoradallat ja, aktan åhpadiddjij, hábbmit gielladiedulasj sámegielåhpadusáv. Dokumænntaguoradallama ja skåvllåetnografidja baktu galggá prosjækta åhpadallamvuogijt kárttit ja gæhttjat gåktu buoremus láhkáj, iemeálmmukaktijvuodan, máhttá sámegielaj vidjurijt tjalmostahttet.

Sáme li álggoálmmugin dåbdåstuvvam Suoma, Svieriga ja Vuona vuodolágajn. Sáme giela ja kultuvrra suoddjiduvvi nasjonála lágajs ja rijkajgasskasasj almasjrievtesvuoda konvensjåvnåjs. Da li aj vuodon sámegielåhpadussaj skåvlåjn nuorttarijkajn.

Dán prosjevta ájggegávdan åhpadiddje, oahppe, æjgáda, skåvllåjådediddje ja åhpaduspolitihkkára ságájdahteduvvi mánájskåvlåjn. Barggojuohkusa galggi viehkken gávnnat giellaåvddånahttemvuogijt majt åhpadiddje gæhttjaladdi praktihkalattjat skåvlåjn. Guoradallam vaddá diedov mij viertti dættoduvvat sámegielåhpadusán ja gåktu dav buoredit. Båhtusa dán guoradallamis máhtti aj aneduvvat åhpadusán åvddånahtátjit ietjá ájtedum gielajt ja unneplåhkogielajt.