Fitnu jođiha professor Pigga Keskitalo. Fitnus bargaba seniordutkin Erika Sarivaara, PhD Inker-Anni Linkola-Aikio, PhD Berit-Ellen Juuso ja universitehtalektor Marianne Silén.

Fitnus vuodjut dutkat sámegielaid oahpahusa ja hábmet ovttas oahpaheaddjiiguin gielladiđolaš oahpahus Davviriikkain. Dokumeantaanalysa ja eamiálbmotdillái heivehuvvon skuvlaetnografiija vehkiin kártet oahpahusa diliid ja buktit ovdan, mo oahpahus sáhtášii buoremusat.

Sápmelaččat leat dovddastuvvon eamiálbmogin vuođđolagain Suomas, Ruoŧas ja Norggas. Sámegielaid ja kultuvrra sudjet máŋggat našunala ja riikkaidgaskasaš olmmošvuoigatvuođašiehtadusat. Dát leat vuođđun maiddái sámegielaid oahpahussii Davviriikkain.

Prošeavtta dutkit gálledit fitnu áigge vuođđoskuvllain jearahallamin oahpaheaddjiid, oahppiid, fuolaheaddjiid, skuvlahoavddaid ja skuvlenpolitihkalaš mearrideaddjiid. Bargobajiid vuođul ovttashábmejuvvo ođđalágan oahpahanvugiid, maid oahpaheaddjit geahččaladdet geavadagas. Dutkan lasiha dieđuid das, makkár áššiid sámegielaid oahpahusas galggašii deattuhit ja mo oahpahusa sáhttášii ovddidit. Dutkama bohtosat heivejit maiddái eará áittátvuloš gielaid ja unnitlogugielaid oahpahusa ovddideapmái.

Lincosy-dutkanguovddáža ovdanbuktinvideo Youtube-kanálas

Professor Piggá Keskitalo pydanbuktá LINCOSY-dutkanfitnu ja dan ulbmiliid. Dutkamudšas guorahallat sámegiela oahpahusa ja ovddidit gielladiđolaš oahpahusvugiid vuođđoskuvllain Davviriikkain. LINCOSY-fidnu ollašuhtto jagiin 2023-2027 ja dan ruhtada Suoma Akatemiija. Duoktamuša ehtalaš ovdaárvvoštallan lea dohkkehuvvon Lappi universitehta dutkanehtalaš doaibmagottis ja Ruoŧa ehtalaš árvvošallamma virgeoampahaččas (Etikprövningsmyndigheten).

Dutkamuššii oassálastiid diehtosuodji dorvvastuvvo. Dutkiduavttir Inker-Anni Linkola-Aikio muitala fitnu ollašuhttimis. Dutkanmateriála čohkkejuvvo jearahallamiid, áiccedemiid ja gažadanskoviid vehkiin. Dutkamuš sisttisdoallá oahpahusa innovašuvdna oasi, mas iskat ja ovddidit oahpahusvugiid ovttasbarggus oahpaheaddjiiguin. Filmma lea buvttadan Ville-Riiko Fotonoff.atio-osuuden, jossa testataan ja kehitetään opetusmenetelmiä yhteistyössä opettajien kanssa. Filmin on tuottanut Ville-Riiko Fotonoff.