Máinnasviessu johtá Sápmái
Máinnasviessu fállá digitála čovdosiid oahppamateriálaid váilái. Dat lea leamaš mearkkašahtti hástalus sámegielaid oahpahusas. Speallobirrasa jorgaleapmi doarju sámegielat oahpahusa ovddideami.
Máinnasviesus ovddidit oahpposisdoaluid, mat ovddidit sámepedagogihka. Spealuin sáhttá ávkkástallat maid oahppaplána gáibidan ulbmiliid juksamis. Seammás fidnu ovddida sámegielaid digitála juksama, nanne gielaid eallinfámu ja áittavuloš sámegielaid joatkevašvuođa.
Fitnus ovddiduvvo sámi máŋggalohkandáiddu pedagogihka veardádalli dutkamušaiguin Suomas, Ruoŧas ja Norggas. Dutkamuš ollašuhttojuvvo nu, ahte sámeoahppit ja oahpaheaddji oassálastet bargobájiide. Prošeavttas maid geahččaladdet ja ovddidit sierralágan čovdosiid design-dutkamuša prinsihpaiguin.
Digitála ja speallolágan oahppanbirrasiid ovddidit ja lokaliserejit maid ovttas sámeoahpaheddjiiguin ja ohppiiguin nu, ahte váldet vuhtii sin dárbbuid.
Fitnu ovttasbargoguoimmit leat Oulu universiteahta INTERACT- ja OASIS-dutkanjoavkkut ja Oulu ámmátallaskuvlla spealloovddidanovttadat.
Ovddidan- ja dutkanprošeavttat álget čakčamánus 2026.