Oahppiid lohkan- ja čállindáidduid hedjoneapmi ja mediagolaheami, mii dáhpáhuvvá skuvlla olggobealde, ja árbevirolaš oahpahusa gaska leat boktán dárbbu ovddidit máŋggahámát pedagogalaš metodaid. Speala, hutkka & čále -fidnu vástida dán hástalussii dutkamiid spealuid geavaheami oahpahusa doarjjan. Fitnus maid ovddidit pedagogalaš čovdosiid máŋggadieđalaš ovttasbarggu vehkiin. 

Fitnus leat ráhkaduvvon digitála neahttabiras movttiidahttá 5.–9.-luohkkálaččaid oahppat dán áigge servodagas dárbbašuvvon viiddis ja máŋggahámat lohkan- ja čállindáidduid. Dáidda gullet árbevirolaš čállindáiddu lassin earet eará searvvušlašdáiddut, kreatiivvalaš ja multimodála sisdoallobuvttadeapmi ja dáidu konsentreret, jurddašit kritihkalaččat ja máhttit čoavdit iešguđetlágan čuolmmaid. 

Máinnasviessu-speallu motivere 5.–9.-luohkkálaččaid čállit ja doarju vuođđooahpahusa čállima ja máŋggalohkandáiddu oahpahusa. Spealus oahppi oahppá buvttadit iežas muitalusaid muttuid mielde: čállimii ráhkkaneapmi dáhpáhuvvá hárjehallamiin sierra osiid čállimis ja oahpahallamiin muitalusa sierra osiid. Máŋggabealat bargobihtát ovddidit čállindáiddu sierra osiid ja nannejit čállimis dárbbašuvvon iešluohttámuša. 

Spealu ovttasbargoguoimmit leat Nuorta-Suoma universiteahta bajásgeassindiehtagiid dieđagotti báhtaranspealloossodat ja Sm4rt LOC -báhtaranspealloloboratoriijaan ja  PunaMusta Media Oyj -konsernii gullevaš Karjalainen-aviisa. Máinnasviessu-speallu ovttasta Lappi universiteahta bajásgeassindiehtagiid dieđagotti pedagogalaš máhttima, Oulu ámmátallaskuvlla programmerenčehppodaga ja Oulu universiteahta dihtordiehtagiid dieđagotti teknologiija ja spealuid plánema máhtu sihke oassálastin design-dutkamuša. 

Davvi guovllu allaskuvllat leat bargan máŋggadieđalaš dutkan- ja ovddidanovttasbarggu ja ovddidan speallobirrasiid jagi 2022 rájes. Dán muttus buot Suoma oahpaheaddjit sáhttet geavahit spealu nuvttá. 

Oho! Dát YouTube-siidu ii oidno go it leat dohkkehan márkanfievrridanosiid.Dohkket márkanfievrridanosiid.