Lohkanlihkku
Uđđâseh
Lohkanlihkku-pargojuávkku teeivâi Ummee ollâopâttuv pargopáájást 7.5.2026. Pargopáájást proojeekt uásipeleh pessii oovtâst kieđâvuššâđ speelâ graafik, muusik já vuáváđ čuávuváá tooimâid. Pargopáájást savâstâllii eromâšávt tast, maht sämikulttuur oovdânpuáhtoo speelâst. Pargojuávkku teeivâi meid grafikkoigijn já musikkárijn. Proojeekt čuávuvâš stuorrâ lävkki lii testađ speelâ tavesämikielâlii keččâlemversio.
Kooveest
Paijeen: professor Coppélie Cocq (UMU), proojeekthovdâ Kristiina Jomppanen (ULap), allaskuvlalehtor Maaren Palismaa (SUAS) já išeprofessor Berit-Ellen Juuso (SUAS)
Vyellin: professor Ulla Richardson (JYU), proojeektpargee Marja Labba (UMU), professor ja proojeektjođetteijee Pigga Keskitalo (ULap), náguskirjetotkee Laura Kotavuopio (SUAS) játutkâmuškoordinaattorr Lea Nieminen (JYU)
Lohkanlihkku-proojeekt ornij 8.-10.4.2026 pargopáájá Anarist. Pargopááján uásálistii Jyväskylä ollâopâttuv spellâovdánemäššitobdei lasseen Laapi ollâopâttuv proojeektpargeeh. Pargopáájá kuávdášlâš siskáldâssân lâi nuorttâlâš- já anarâškielâ kielâäššitobdei uápásmittem spellâsiskáldâsâi ovdedmân. Jyväskylä ollâopâttuv spellâovdedemäššitobdeeh – professor Ulla Richardson, tutkâmuškoordinaattor Lea Nieminen sehe heiviittâsäššitobdee Mika Halttunen – västidii uápásmitmist.
Lohkanlihkku-projektist šaddeeh sämikielâliih spellâversioh vuáđuduvvojeh tutkâmušvuáđusâš Lukukupla-speelân. Jyväskylä ollâopâttuvvâst lii kuhes hárjánem oppâmspeelâ heiviitmist eres kieláid já ortografiaid. Speelâ kielâliih já pedagogisiih siskáldâsah šaddeh vuávájuđ sämikielâi jieijâs jiešvuođâi vuáđuld ađai spellâ ij lah njuolgâ jurgâlus suomâkielâ speelâst. Pištevâš ovdedem prinsiipeh já kulttuurlâš ovdâsvástádâslâšvuotâ stivrejeh uásild ovdedempargo.
Speelâ ulmen lii tuárjuđ luuhâm já čäällim vuáđutááiđui oppâm. Tááiđuh, maid spelláin puáhtá hárjuttâllâđ, láá ovdâmerkkân jienâduvâi já pustavij tubdâm, jienâdâh-puustav västideijeevuođâ haldâšem, stavâlij já saanij luuhâm já rähtim sehe kuuloold ucceeb ohtâduvâin stuárráábijd ovdánem luuhâm. Lasseen puáhtá hárjuttâllâđ luuhâm njyebžilvuođâ já liävtu.
Pargopáájá ohtâvuođâst haahâ ornij teivâdem Sämitige oppâmateriaaltoimâttuváin já ávus oovdânpyehtimtilálâšvuođâ 8.4.2026. Kuohtuin tilálâšvuođáin haavâ äššitobdeeh oovdânpuohtii haavâ uulmijd sehe oppâmspeelâ kuávdášlijd prinsiipijd. Uásálisteijein lâi máhđulâšvuotâ oovdânpyehtiđ jieijâs uáinuid já adeliđ macâttâs. Haahâ viggá noonâ ohtsâšpargon čonâstâhjuávhoin vâi oppâmspeelah ovdedeh sämikielâi máttááttâs já vääldih vuotân spellei maaŋgâmuđusijd vuolgâsoojijd.
Savâstâlmist Sämitige oppâmateriaaltoimâttuváin já avus oovdânpyehtimtilálâšvuođâst pajanii kuávdášliih sämikielâi máttááttâsân já oppâmân kyeskeeh uáinuh. Savâstâlmist suogârdui eres lasseen spellâsiskáldâsâi kielâliih já kulttuurliih olámudoh já speelâ motivistemvuotâ.
Ávus oovdânpyehtimtilálâšvuotân uásálistii máttááttâs- já pajasšoddâdemsyergi áámmátliih, moh ovdâstittii anarâš-, nuorttâlâs- já tavesämikielâlii máttááttâs sehe arapajaskeessim.
Kooveest čižetpeln: kielâäššitobdee Terhi Harju, proojeektjođetteijee Pigga Keskitalo, tutkâmuškoordinaattor Lea Nieminen, kielâäššitobdee Petra Kuuva, professor Ulla Richardson sehe proojeekthovdâ Kristiina Jomppanen.
Kielâäššitobdeeh Petra Kuuva já Terhi Harju porgâškuođijn Laapi ollâopâttuv Lohkanlihkku-projektist 1. cuáŋuimáánu. Sunnuu pargon lii rähtiđ anarâš- já nuorttâkielâlii siskáldâs luuhâm já čäällim vuáđustâsâi oppâmspeelân, mii ovdeduvvoo projektist.
Kielâäššitobdei pargo kuávdášäššin lii speelâ siskáldâs vuávám já rähtim sehe kielâlii kvaliteet visásmittem. Taat pargo tuárju anarâš- já nuorttâkielâ algâmáttááttâs já kielâi oppâmateriaaltile.
Petra Kuuva parga proojeekt anarâškielâ äššitobden. Sun lii porgâm ovdil ereslasseen anarâškielâlii luokâmáttáátteijen, eromâšávt ovdâ- já agâmáttáátteijen, sehe vuávájeijen Sämitige párnáimateriaalhaavâst, kost puovtâdui ovdâmerkkân kyehti moobiilspeelâ anarâš-, nuorttâlâš- já tavesämikielân.
Terhi Harju parga nuorttâlâškielâ kielâäššitobden Lohkanlihkku-projektist. Suu pargohárjánmân kuleh ereslágáneh pargoh nuorttâkieláin tegu kielâpargen Säämi Kielâkäldest, jurgâleijein já tulkkân sehe majemustáá Nuorttâlii sijdâčuákkimist čällen.
Lohkanlihkku-proojeekt oovded sämikielâi oinum já kevttim sehe tuárju kielâi siäilum já ovdánem tááláá ohtsâškoddeest. Proojeekt materiaaleh šaddeh sämikielâlii máttáátteijei já vanhimij toorjân. Uđđâ kielâäššitobdei rekrytistem lii tergâdis lävkki proojeekt ulmij olášutmist. Lohkanlihkku-speelâ ráhtoo ohtsis viiđâ sämikielân: maadâsämikielân, anarâškielân, nuorttâlâškielân, julesämikielân ja tavesämikielân. Lohkanlihkku lii proojeekt nommâ, mut meid speelâ tavesämikielâš nommâ. Speelâ eres sämikielnoomah almostuveh maŋeláá.
Ohtâvuotâtiäđuh:
Proojeekthovdâ Kristiina Jomppanen
Kristiina.jomppanen@ulapland.fi
Anarâškielâ äššitobdee Petra Kuuva
Nuorttâlâškielâ äššitobdee Terhi Harju