Máinnasviessu-speallu ja oahppanbiras lea oažžumis dál anáraš-, davvi- ja nuortalašgillii. Spealu sáhttá speallat nuvttá neahtas ja dan sáhttá geavahit sámegiela oahpahusas.

Sámegielat Máinnasviessu-spealuid ulbmil lea lasihit sámegielaid digitála fálaldagaid ja fállat nuoraide ovttaveardásaš vejolašvuođa ovddidit máŋggalohkandáiddu sin iežaset gillii. Sámegiela oahpahusas lea guhká leamaš váili buriin digitála oahppamateriálain, ja Máinnasviessu sámás -fidnu vástida dán váilái.

Fitnu jođiheaddji Outi Kallionpää Lappi universiteahtas muitala, ahte speallolágan oahppanbirrasat leat dutkamušaid mielde beaktilis vuohti doarjut oahppanmotivašuvnna. Dat doibmet earenoamáš bures dalle go árbevirolaš skuvllabargu ii gávnnat nuoraid mediageavahemiin.

– Máinnasviessu buktá skuvlla lagabui nuoraid digitála árgabeaivvi ja movttiida sin lohkat ja čállit. Sámegielat spealut fállet nuoraide mearkkašahtti báikki iežaset giela geavaheapmái ja gielladáiddu nannemii, Kallionpää muitala.

Máinnasviessu lea motiverejeaddji, vuorrováikkuheaddji ja kultuvrralaččat sensitiivva oahppanbiras, gos sámegiela oahppan dáhpáhuvvá spealadettiin ja kreatiiva čállima bokte.

– Iežasgielat digitála biras doarju gielladáiddu, muhto maid lasiha gielageavaheami skuvllas ja maid dan olggobealde, dadjá Lappi universiteahta bajásgeassidiehtagiid, earenoamážit árktalaš skuvlagažaldagaid, professor Pigga Keskitalo.

Sámegielat doarjjamateriálat veahkkin geavaheames

Máinnasviessu-spealuid doarjjamateriálan leat ráhkadan čielga speallanrávvagiid ja oahpaheaddji pedagogalaš rávvagiid. Materiálat veahkehit speallama álggaheamis ja dorjot oahpaheaddjiid ođđalágan materiála geavaheamis.

Fitnus ordnejit maid rabas webináraid, maid čájehit Máinnasviesu pedagogalaš vejolašvuođaid ja juhket praktihkalaš ovdamearkkaid das, mo spealuiguin sáhttá ávkkástallat oahpahusas.

Máinnasvierru sámás -fitnu birra

Lappi universiteahta jođihan fitnu ovttasbargoguoibmin leat Oulu universiteahta INTERACT- ja OASIS-dutkanjoavkkut ja Oulu ámmátallaskuvlla spealloovddidanjoavku. Sámegielat spealloovddideami lea koordineren nuorat dutki Maiju Saijets. Fitnu ollašuhttojuvvo jagiid 2025–2026 áigge ja dan ruhtadit Media-alan tutkimussäätiö ja Suoma kulturruhtarádju Lappi guovlofoanda.

Oahpásnuva dárkilabbot Máinnasviessu sámás -fitnui: https://pelaakeksikirjoita.fi/tarinatalo-menee-saamenmaalle/

Speallotraileriid giellaveršuvnnat:
Trailer suomi
Trailer anárašgiella
Trailer davvisámegiella
Trailer nuortalašgiella