Árktalaš rievdama ja vuogáiduvvama dutkansearvvuš
Dutkansearvvuš vuodju guorahallat, mo dálkkádaga, ekosysteamaid ja biologalaš máŋggahámatvuođa rievdadusat čatnasit servodahkii, ealáhusaide, hálddašeapmái, vuoigatvuođaide, skuvlejupmái ja kulturgeavadiidda sihke mo árktalaš guovlu vuoigáiduvvá dáidda rievdadusaide.
Min dutkansearvvuš
Árktalaš rievdan ii leat dušše birašlaš ilbmanupmi, muhto dasa maiddái laktasit čiekŋalis sosiálalaš, kultuvrralaš ja politihkalaš váikkuhusat. Min dutkansearvvuš čohkke oktii ja ovttasta dutkama Lappi universitehta dieđagottiin, Árktalaš guovddážis ja viiddit dutkanfierpmádagain.
Mii guorahallat, mo dálkkádaga, ekosysteamaid ja luonddu máŋggabealatvuođa rievdasusat čatnasit oktii ealáhusaid, hálddašeami, skuvlejumi kultuvrralaš geavadiid sihke dáidaga ja árgga rievdadusaiguin árktalaš guovlluin.
Dutkansearvvuš guorahallá maiddái digitaliserema ja ártkalaš pedagogihka gažaldagaid ja ovttasbargá riikkaidgaskasaš skuvlejumi ovddidemiin, masa gullet maiddái ođđa magisttarprográmmat.
Diehtagiid gaskasaš ovttasbarggu nannemiin dahkat dutkama, mii ovttasta servodatdiehtagiid, vuoigatvuohtadiehtagiid, bajásgeassindiehtagiid, dáidaga ja hábmema ja árktalaš dutkama. Dáno mii ovddidit oktasaš áddejumi árktalaš rievdamis ja vuogáiduvvamis.
Áigeguovdilis doaimmat
- Diehtojuohkin- ja ságastallandilálašvuohta boahttevaš Suoma akatemiija ohcamis 1.10.2026
- Anára ekskursio 7.-9.10.2026
- Dutkanservožiid oktasaš deaivvadeapmi 24.11.2026
- Dutkanfáttáid juohkin ja oktasaš dieđalaš ságastallan 4.2.2027
- Jahkásaš dutkansymposium geassemánus
- Dutkankafeat
- Dieđalaš seminárat
Jođiheaddji birra
Pigga Keskitalo
Dutkanservoža hálddašeapmi
Árktalaš rievdan ja vuogáiduvvan -dutkanservoža hálddahusas vástida riektediehtagiid dieđagoddi.
Áigeguovdilis ságat
- Oktasaš almmuheamit ja čállijoavkkut
- Fitnuid plánen ja oktasaš ruhtadanohcamušat
- Čanasjoavkoovttasbargu
- Konferánssat
- Ovttasbargu
- Galledallamat
- Ođđa rahpamat
- Eamiálbmoovttasbargu
Árktalaš rievdan ja vuogáiduvvan dutkanservožii dehálaš ovttasbargofierpmádat:
UArcit temáhtalaš fierpmádat Thematic Network on Teacher Education for Social Justice and Diversity in Education
Jus háliidat searvat dutkanservoža doaimmaide, váldde oktavuođa kordináhtorii ja almmut iežat fárrui. Dutkit ja dutkanjoavkkut leat buresboahtin searvat servožii!
Árktalaš rievdama ja vuogáiduvvama dutkansearvvuš bargá ovttasbarggu čuovvovaš dutkanjoavkkuiguin:
Ahkeolbmuid oahppan, máhttin ja oasálasvuohta (IKÄO3)
Máŋggadieđalaš dutkanjoavku dutká ahkeolbmuid oahppama, máhttima ja oasálasvuođa erenomážit servodaga medierema, digitaliserema ja robotisašuvnna geahččanguovlluin. Joavku bargá máŋggadieđalaš fidnoovttasbarggu riikka dásis ja riikkaidgaskasaš oktavuođain erenomážit sosiálabarggu, hálddahusdiehtagiid ja olbmo ja dihtora/robohta gaskasaš gulahallamis ovttasbarggus dutkiiguin.
SÁMIED – Dutkanjoavku sámi bajásgeassimis ja skuvlejumi dutkangažaldagain
SÁMIED-dutkanjoavku guorahallá sámi bajásgeassima ja skuvlejumi máŋggabealat ja diehtagiid rasttildeaddji vugiiguin. Joavkku bargguin lea deaddu giella- ja kulturdiđolaš oahpahusas, sohkabuolvvaid gaskasaš dieđud ja kultursirdimis, mánáid ja nuoraid oasálasvuođas, oahppoplánain, oahpaheaddjeskuvlejumis, digitaliseremis, oahppiid buresbirgejumis ja eallináigásaš oahppamis. Dutkanjoavku guorahallá erenomážit dan, mo skuvlejupmi vástida sápmelaččaid vuoigatvuođaide ja dárbbuide ja mo kultuvrralaččat ceavzilis ovdáneapmi ja skuvlejupmi ollašuvvet. Joavku buvttada maiddái viiddit dieđuid skuvlenvuogádagaid ovdánahttima váraš. SÁMIED doaibmá aktiivvalaš oassin davviriikalaš ja riikkaidgaskasaš dutkanovttasbarggu.
Playful Minds: Stoahkan, oahppan ja buresbirgejupmi
Playful Minds: Stoahkan, oahppan ja buresbirgejupmi lea máŋggadieđalaš dutkanjoavku, mii guorahallq stoahkama ja stoahkanvuđot oahppama olbmo lunddolaš vuohkin leat, oahppan ja doaibmat máilmmis. Dutkanjoavku guorahallá stoahkama eallingierddi čađa árrabajásgeassimis vuođđooahpahussii ja allaoahpahusas bargoeallimii. Joavku buvttada dutkandieđuid, mat vástidit min áiggi guovddáš hástalusaide, nugo teknologalaš rievdamii ja buresbirgejumi gažaldagaide. Dutkanjoavkku vuođđojurddan lea oaidnu stoahkamis ja stoahkanvuđotvuođaš ii dušše pedagogalaš reaidun dahje ovdánanmuddun, muhto guovddáš olmmošlaš kapasiteahttan, mii dahká vejolažžan hutkásvuođa, doaibmivuođa ja buresbirgejumi iešguđet eallinmuttuin ja rievddadeaddji servodatlaš diliin. Dutkanjoavku doaibmá nu riikkaidgaskasaš go árktalaš konteavsttain, main kultuvrralaš, servodatlaš ja biraslaš rievdadusat ja bajásgeassima ja oahpahusa gažaldagat čatnasit oktii. Stoahkan fállá dása varas dutkanmušlaš oaidninvuogi: dat dahká vejolažžan molssaeavttolaš boahttevuođaid govahallama, ođđa čovdosiid gávdnama ja searvvušlaš doaimmaid nannema.
Globálarievdama dutkanprográmma
Globálarievdama dutkanprográmma lea luonddudieđalaččat orienterejuvvon prográmma, mii buktá oktii áššedovdiid iešguđet surggiin, nugo biologiijas, luonddueatnandieđus, geofysihkas ja ekologiijas ja sosiála- ja kulturantropologiijas. Dutkama fáttát gohčet árktalaš servodagaid ja ekovuogádagaid, daid heiveheami ja nanuvuođa sihke muottama ja jieŋa dutkama.
Davvi dáidaga, servodaga ja birrasa dutkan (NACER)
Davvi dáidaga, servodaga ja birrasa dutkan (NACER) lea Lappi universiteahta dáidagiid dieđagotti dutkanjoavku, mii vuodju dáiddabajásgeassima ja govvadáidaga jearaldagaide. NACER deattuha kultuvrralaš ja sosiála ovttasbarggu ja ceavzilvuođamolsuma. Joavku ovddida globála vásttolašvuođa doaibmadutkama vehkiin davvi ja árktalaš konteavsttain. Oassálasti dutkan speadjalastá ekologalaš kriissaid ja urbanisašuvnna guovlluid hearkkes, sosiálalaččat mearkkašahtti álgagiidda mat ávkkástallet govvadáidaga, dáiddapedagogihka ja dáidagii vuođđuduvvo metodaid báikkálaš servožiid buorrin ja globála jearaldagaide vástideami dihtii.
Law, Technology and Sustainability Transitions (LOST)
Law, Technology and Sustainability Transitions -tutkimusryhmän (LOST) bargu vuođđuduvvá ceavzilvuođamolsumiid ja vuođđovuoigatvuođaid suodjaleami árvvuide. Joavku lea erenomážit beroštuvvan das, mo láhkaásahemiin sáhttá ovddidit, muhto maiddái njoazudit ceavzilvuođamolsumiid čatnama oassin teknologiija- ja digitála rievdanstrategiijaid. Ceavzilvuođamolsumiid čatnamiin sáhttá vástidit máilmmiviidosaš ja báikkálaš hástalusaide, nugo dálkkádatrievdamii, luonddu girjáivuođa geahppáneapmái ja daidda laktáseaddji eahpevuoiggalašvuhtii.