Sága

Låhkåmávvo-prosjevta barggo joarkká, ja julevsáme giellatjiehppe Ánn Risstin Skoglund álggá prosjäktajuohkusij. Sån la barggamin Ubbmema universitejtan ja álggá ragátmáno 1. biejve. Suv dahkamuj la barggo dagátjit ja åvdedittjat julevsáme sisanov dan digitálak oahppamspellaj majna prosjäkta l barggamin.

Låhkåmávvo-prosjevta ulmme l åvdedit digitálak oahppamspelav vidá sámegiellaj: nuorttasábmáj, anársábmáj, gålldåsábmáj, oarjjelsábmáj ja julevsábmáj. Spela sisadno ij la njuolgga jårggålum nuppet gielas nuppe giellaj, ájnat spella juohkka sámegiela hárráj åvdeduvvá fert giela milta vieledattijn giellavuogádagájt, tjállemvuogijt, åhpadimåvdeldimijt ja kultuvrak vidjurijt. Dán bargon, giellatjiehpijn la ájnas viddno.

Dán prosjäktaj Ánn Risstin buktá ássjedåbddåmav julevsáme pedagogijkas, jårggålimes ja kultuvrraássjijs. Ánn Risstin aj barggá julevsáme åhpadiddjen universitejta mieren ja jårggåliddjen. Suv åvdåsvásstádussaj gullu barggo tjállet ja dahkat spela giellasisanov, kvalitäjttagehtjadibme ja aktisasjbarggo ietjá giellabarggij ja åhpadiddjij.

Ådå giellatjiehppe baktu de nanni moattegielak aktisajbargov Låhkåmávvo-prosjevtan, ja doarjjá prosjevta ulmev åvdedittjat allakvalitejtak digitálak oahppamnävov mij la vuogas pedagogijka hárráj sáme tjállem- ja låhkåmåhpadussaj.

 

Aktavuohtadiedo:

Julevsáme giellatjiehppe Ánn Risstin Skoglund, Ubbmema universitäjtta

ann.christin.skoglund@umu.se

Prosjäktalájddár Svierigin, profässor Coppélie Cocq, Ubbmema universitäjtta

coppelie.cocq@umu.se

Prosjäktaoajvve Kristiina Jomppanen, Lappi universitäjtta 

Kristiina.jomppanen@ulapland.fi 

Gåvån gårobieles: Coppélie Cocq,Ubbmema universitäjtta; Kristiina Jomppanen, Lappi universitäjtta; Ánn Risstin Skoglund, Ubbmema universitäjtta; Lea Nieminen, Jyväskylä universitäjtta ja Ulla Richardson, Jyväskylä universitäjtta