Lohkanlihkku

Låhkåmávvo l gålmåjahkásasj Interreg Aurora-prosjäkta. Prosjevta ulmme l doarjjot árra sámegielåhpadusá vidjurijt ja buvtadit spelav, Låhkåmávov, mij åvddånahttá låhkåm- ja tjállemmáhttudagájt vidá sámegiellaj. Guládallam ja aktisajvuohta skåvlåj li aj ájnas oase prosjevtas.

Akta stuorra hásstalus sámegielåhpadusá hárráj la vádne åhpadimnävojs. Åhpadiddje álu hähttuji ietja dahkat åhpadimnävojt jali adnet dakkirijt ma li oabmum. Låhkåmávo ulmme l dáv vánesvuodav duosstot. Prosjevta ájggomus la buvtadit digitálalasj oahppamspelav vidá sámegiellaj vaj åvddånahttet ja doarjjot mánáj låhkåm- ja tjállemmáhttudagájt, ja aj duvddet dakkir åhpadusáv.

Låhkåmávvo-spela vuodon la GraphoLearn-spella. GraphoLearn-spella l smádahkkát guoradaládum, ja dan spela baktu l máhttelis oadtjot diedojt aktugasj máná åvddånimes låhkåm- ja tjállemoahppama hárráj. Spella hebat hárjjidusájt juohkka máná dárboj milta. Låhkåmávvo sjaddá åledahtten mávso dagi viedtjat goappátjagá datåvrråj ja mobijllaj. Prosjevta giela li anár-, nuortta-, julev-, oarjjel- ja gålldåsámegiela.

Låhkåmávvo bivddi sámegielåhpadiddjijt, oahppijt, äjgádijt ja iehtjádijt giellasebrudagán oassálasstet buvtadimprosässaj ja dan baktu spella tjalmos sáme kultuvra ja åhpadusá ájnasvuodav. Prosjäkta galggá aj fállat bagádimev spela birra skåvlåjda ja åhpadiddjijda.

Prosjevta oasálattja li Lappi universitäjtta, Jyväskylä universitäjtta, Ubbmema universitäjtta ja Sáme allaskåvllå. Prosjevta lájddár la profässor Pigga Keskitalo Lappi universitejtas. Interreg Aurora biednigahttá prosjevtav. Rijkak biednigahttem Lappi universitäjttaj ja Jyväskyla universitäjttaj boahtá Lappi lihtos. Vuona oasálattja biednigahteduvvi Interreg Auroras, ja aj Vuona sámedikkes, Barentssekretariáhtas, Råmså fylkkasuohkanis ja Sáme allaskåvlås.

Prosjevta dahkamuhá:

1. Doarjjot árra sámegielåhpadusáv ja åhpadimvuogijt

Vuostasj dahkamuhá ulmme l duvddet vidjurijt ja vuogijt sáme låhkåm- ja tjállemåhpadusá hárráj. Åhpadiddjij ságájdahttema baktu juogos oadtju diedojt árra åhpadimvuogij vidjurijs ja tjállem- ja låhkåmåhpadimvuogijs.  Dáj diedoj milta spella buvtaduvvá doarjotjit sáme låhkåm- ja tjállemoahppamav.

2. Buvtadit spelav vidá sáme giellaj

Nubbe dahkamuj la dahkat sisanov mij la hebalgin sáme giellaj ja kultuvrraj. Sáme kultuvrra spelan boahtá vuojnnusij ij dåssjå val giela baktu, ájnat aj gåvåj ja musijka baktu. Barggosemináraj ja álggogähttjalimij baktu máhttá guoradallat gåk spella doajmmá åhpadusán ja makkir vuorddamusá li sebrudagán kultuvrak sisano hárráj. Prosjäktajuogos aj galggá dahkat bagádusgirjijt gåk spelav adnet.

3. Oabllodit ja almodit Låhkåmávvo-spelav

Prosjäktajuogos dokumenteri ja oabllot gájkka prosjevta dåjmajt. Webbinára, barggoseminára ja tjåhkanime ásaduvvi. Diedalasj artihkkala ja rapårtå prosjevta birra aj almoduvvi aktan tjálllusij prosjevta bargo ja båhtusa birra. Låhkåmávvo-spella sjaddá åledahtten mávso dagi viedtjat.

Interreg Aurora ja guoddelis åvdedibme

Sociálalasj, ekologalasj ja ekonomalasj guoddelis åvdedibme l Interreg Aurora-prográmma gájkkásasj ulmme. Gájkka prosjevta majt Interreg Aurora biednigahttá hähttuji barggat Aktidum nasjåvnåj guoddelis åvdedimulmij guovlluj.
Låhkåmávvo-prosjäkta barggá åvdemusát dáj ulmij guovlluj:
4. Buorre åhpadus
8. Rievtes barggamvidjura ja ekonomalasj åvdedime
10. Nannusap jäbddásasjvuohta
16. Ráfe, riektá ja gievras institusjåvnå
17. Ulmij oasálasjvuohta

Interreg Aurora-prosjevta webbabielle