CAP-SHARE - Yhteisen osaamisen rakentamista yhteisöjen, päätöksentekijöiden ja tutkijoiden välille    

Pigga Keskitalo

Professor Pigga Keskitalo lij ååraš Uʹccjooǥǥâst da jeälast ââʹn Jeänõõǥǥâst. Son tåimmai šõddeemtiõđ professoorân Lappi pââimõs-škooulâst da jååʹđat CAP-SHARE-haʹŋǩǩõõzz Lääʹddjânnam vueʹsshaʹŋǩǩõõzz. Keskitalo škooultõs lij klassuʹčteeʹl da lij näggtam Lappi pââimõs-škooulâst eeʹǩǩen 2010 säʹmmlažškooul kulttuursensitiivlažvuõđâst. Ääiʹjben son lij leämmaš tuâjast Taarrâst säʹmmlaž uʹčteeʹlškooultõõzzâst. 

Keskitalo tuâjast pâjjne aarktlaž škooultõs, sääʹmmǩiõl da pedagogiikk, ǩiõllsaž da kulttuurlaž vuõiggmiõllsažvuõtt de päärnai da nuõri vuässadvuõtt mottjeei pirrõõzzâst. Son äuʹǩǩad tuâjast õhttsaallaž da vuässõõđlaž mõõntõõllmõõžžid, koʹst pääiklaž teâtt, ǩiččlâsttmõõžž da jeeʹres puõlvvõõǥǥi vueiʹnnemkuuʹlmid poʹhtte pieʹǩǩen škooultõõzz ooudâsviikkmõõžž.   

CAP-SHARE-haʹŋǩǩõõzzâst Lääʹddjânnmest kõskkee tõõzz, mäʹhtt nuõr, škooul, tuʹmmstõkraajjʼji da õhttõõzz vueiʹtte raajjâd vuässõõđlaž da vuõiǥǥâdvuõttmeâldlaž naaʹlid vaʹstteed biodiversiteeʹtt kõõččmõõžžid da äimm-muttâz vaikktõõzzid. Alggmeerai vueiʹnnemkuʹlmm miârkkad tän õhttvuõđâst tõn, što sääʹmmõhttõõzzi ǩiõl, kulttuur da pääiklaž pirrõʹsse kuulli teâtt liâ mieʹldd tuʹmmstõktuâjast da puõʹttiääiʹj räʹtǩǩõõzzi raajjmõõžžâst. Taʹrǩstõõllmõõžžâst liâ še kõõččmõõžž, kook koʹlle jieʹllempirrõõzz muttsid, mäddâânnmõʹšše, luâđ määŋghämmsažvuõʹtte da äʹrbbvuõđlaž jieʹllemvueʹjjid. 

Haʹŋǩǩõõzzâst âʹnne jm. digitaalʼlaž da kreevai mõõntõõllmõõžžid, mâʹt-a maainâsmainstummšid, visuaallaž da päiʹǩǩčõõnâs tuâjjpääʹjid de jeeʹresnallšem pääiklõʹžže pirrõʹsse da luõttu staaneeʹjid mättjempirrõõzzid. Täävtõssân lij raajjâd paaiʹǩid, koin nuõr vueiʹtte meäʹrtõõllâd jiijjâs vueiʹnlmid piʹštti puõʹttiääiʹjest da vuässõõttâd ooudårra viikkâmnallšem še väʹǯǯlõs pirrõskõõččmõõžži ǩiõttʼtõõllmõʹšše õõutsââʹjest pääiklaž toiʹmmjeeʹjivuiʹm.